گورسن مننده کدرلی دونیادا اولارمی؟

گرچک باخاندا گلجکه گوزلری دولارمی؟

کونلوندکی سوزلری گوزل گوزل یونارمی؟

یاکی کونلونی قات قات بوزلار دوندولارمی؟

بلکه دکی کونلونی اوت یاندیرارمی

عشقین اوتون اوندا منه قاندیرارمی

یاریمین آهین نالسین منه گوندررمی

دوداخلاریمنان سون اوپوشی ددرمی؟

گورسن بیرده قیشدا آق یل اسرمی؟

باغریمی کسگین اوراق کسرمی؟

کونلومون چیبانین خوش خبرلر دشرمی؟

احد قوجالارینان بوغلارین اشرمی؟