احد ایسفندیار اوغلو
بیر بالاجا یازیچی لوطفن و لوطفن سوزلردن دیرله ننلر سوزلرین قایناقی کیمنندیری یازسینلار.یاشاییش دونیادا اینسانیندیر
احد ایسفندیار اوغلو
بیر بالاجا یازیچی لوطفن و لوطفن سوزلردن دیرله ننلر سوزلرین قایناقی کیمنندیری یازسینلار.یاشاییش دونیادا اینسانیندیر
آی گون۱
آی گون
بیر گون چیخدیم اشیه تاکی چورک قازانام
قاتام سویا یییم تا کی صوفی تک دولانام
گتدیم چورهچی پزه ، شاطیر یاپیردی
گوتون هردن بورجودوب گویه آتیردی
وهخت گلیب توکندی ، منیم چورگیم پیشدی
اوندادیرکی خمیر چورک اولدی ایشیم بیتیشدی
گوردوم بیری دوروب یاخیننیقیم دا
گوزتوتولوب قولاق باتیب جاواننیخ دا
ال قارییب قول ارییب ایندی
دوروب بوردا چوخداندی بیر دیندی
من گوردوم اونی چورک وردیم اونا
تا کی اوزومی گورسدم صوفی اونا
بیر دن بیره دوداق قاچیب دبشدی
چورک توشدو یره توپراقا بلشدی
ددی منه سن صوفی یا کی یوخ؟
بودونیادا آزقالیرسان یاکی چوخ؟
سن دوواردا یانلیز گورورسن دووار
امما گورورم اوندا چیی کرپیش وار
سن دییسن بس کی من گورمورم!
هرنه دییرسن ظن اتمه کی اشیدمیرم
یاپیشیرسان قولومنان ،دوراممیرام؟
قارانیق یولو گوز سوز گدممیرم؟
امما منده سنه تای ایگیتیدیم
یرده گویده دورموردوم بسکی قوچاقیدیم
بودریمی سن گورورسن؟
هربیر قاتین گورورسن؟
ساچلاریم توکولمییب اوتوبدی
اونان بری ایشیق عمروم سونوبدی
بیر گون واریدی بیر گون یوخ
اولکمیزده قولدوراولانلار چوخ
منده کاسیب بیر صنعت کار
تار چالاردیم چورگه ، اولمییم خار
بیرگون بیری گلدی پالتارلی ،شسلی
ددی گلین گداق بو گون روزی وصلی
بو گون کرال سوینیر گولور
دوشمانلاری اولکلرده اولور
من سیزلره یاخشی گوموش وررم
هاممیزی قیزیل دونا گیدیررم
منده قیزیلا تولاندیم ، اوننان گئتدیم
هچ بیلمدیم هاواخ هاچان باتدیم؟
گددوق سارایا ، گوردوق اوردا هرنه وار
چیراخلار یانیر هر یاندا هیرسه وار
چاللیللار ، اوخویوللار ، اوینویوللار
بیربیرین قووالاییب ، ییخیللار
هر نه میوه ایسدرسن بوردا وار
یمکدن دونیادا هر نه بوردا وار
کرالین دورو ، دولو قیزلار
تاریم اوردا نجه غملی سیزلار
چالدیم من اوردا گتدیم عالمه
دیل دوداق اورندا بوزدوم عالمه
ایلک باهاری اوردا چالدیم
ایلک عشقیمی اوندا قاندیم
کیرال منه بیر توربا قیزیل آتدی
غم یوکونی منه چاتدی ساتدی
آتدان اوسدن منه بیرده باخدی
کونلومه مینلر اوخی بیردن تاخدی
بیردن بیره گوزوم توشدو جیرانا
جیران یوخ اوجور مارال یوخدو دونیادا
گوزلر شراب پیاله سیدیر
قاشلار آیین کمانه سیدیر
اوخلاردا وار کیپریک نیشانه سی
جام شرابدا وار یاناق ایشاره سی
دوداقلاری قایماقین اوزودور
هریردن یاخشی جیران گوزودور
دانیشیر شیرین شیرین سوزودور
دریسی قاردان توت سوز بوزودور
قولاقلاریندا وار دیر گوزل سیرقالار
یرده قالسا آپارار قارا قارقالار
بویونا تاخیب اعلا بویون باقین
نیشانی وار کرالین ، اوزونون آدین
بارماقدا وار گوزل بیر اوزیک
اوزیگینده دیر قاشلار دوزیک
اوزیگه اونون بارماقلاری یاراشیر
هرکیم گورور طالحینن باریشیر
باشیندا واردیر گوزل گوللی یاشماقی
هوسلندیم اونا ،آچیم ،اوزونه باخماقی
فرحلنیر اونون آیاقینداکی باشماقی
گورسن کیم گیدیریر چیغاردیر باشماقی
هوروکلری اوندان چیخیب اشیگه
البیر کی آنادان واردیر اوننان بشیگه
ساچلاری ایشیلدیر رنگلی کاماندیر
قاندیر اونی عشقیوه ، هیجران غمی یاماندیر
من باخیردیم اونا ، اودا منه
یاندیریب یاخیردی ، قاداسی دا منه
منده قانلی شرابدان ایچیردیم
سیملری الینن تزتز بیچیردیم
سوگیلیمی کونولدن سویردیم
اونو اوزاقدان ، گنن سچیردیم
گلدی شنلوق واخدی قورتالدی
یینلر یاخشی قویون تک اوتاردی
واخت اولدی ددیلر هاممی چیخسین بایرا
بوقیزیللاریز ،گئدین بوردان ،چالین غایرا
گوردوم هاممی گدیر یار گلیر
بو قفس منه سیخینتی دار گلیر
ددیم کیرال: گئتمه ، بیر دایان
منیم سوزومه ، آندیما ، بیر دایان
کیرل ددی : آتین اونی تز بایرا
تاکی اتین یسینلر قوردلار دایرا
چیغیردیم ، کیمسیه سس ورمدی
بیر کس اوردا منه درس ورمدی
آتدیلار اوردان منی قاراننیق محبسه
آزادلیقا اونلار منن چتین شرط کسه
قالدیم اوردا من یالقیز، بیر نچه آی
عشقیم چیخدی یاددان ، باتدی آی
آتدیلار منی صحرایه ، نچه آیدان سونرا
یمک اولام ییرتیجیلارا ،اصلان نان سونرا
چوخ چتیننیکده اوردان قاچدیم
کونلومی شهرده هاممیه آچدیم
ددیلر یازیق بسدی یالان یره سارساخلاما
کس ، آت ، کونلونده آغیر یوک ساخلاما
گل ، گئت ، تویا ، چال ، اوخو
اوز حیاتیوا آزی بیر ورنی توخو
گز ، شنلن ، ایلن ، دولان ، ایچ
یولداشیوی ییرتیجیدان تز سچ
من ددیم: سچیرم یاریمی خالقیدان
اونون اتی ، یوموشاقدی بالیقدان
ددیلر بو یلی اولوب هاوالی
گدیر سارایا یوخدور قاوالی
بیردن سس گلدی چکیلین کنارا
کرالیچا ،شازدا گلیر قاچین کنارا
گتدیلر قیراقا موسانین چایی تک
گلیر سارای آداملاری فیرعون تک
گوردوم سوگیلیم اوتوروب کجاویه
ییرقالانیر،اسیر جانیم جومور کجاویه
ینه هامان گوردوغوم تک جیرانیمدی
نینییم کی کونلوم سولوب،جیرانیمدی
گدیر قاباقیندان نچه جان گودن
باغلاییبلار بللرینه نچه خنجر گودن
منده ایسدییرم اولام جان گودن
کونلوم اولوب جانا جان گودن
گئتدیم قاپیسینا،منی گوتورمدیلر سارایا
ددیلر:سنین رنگین بنزییر آغدان قارایا
سنی گورر کرالیچا بوردا
بیزی آتاللار آصلانا قوردا
منده یره یاخیلدیم اوردا
کونول آغلیمی هی قوردا
اولموشدی نچه آیلار جانیم دوندا
قویلانمیشدی دیری شاخدادا قومدا
من نه چالیردیم نه اوخویوردوم
نه ده قابالی الیمده دویوردوم
شرابدان ایچیردیم پیاله لر بوش
اوخوردوم مست آوازلار خوش
سسیم اتمیشدی هاممینی می خوش
مندکی بوردا هاممیدان سر خوش
بیر گون گوردوم قاپینی دویوللر
منی سسلییب هارایلیللار سویوللر
گددیم چیخدیم اودن قاپیا
اولدوم حیران گلنلره قاپیا
گوردوم هاممی گلیب قاپیا
بارماقینان گوسدریللر هامیا
گوردوم بیر گوزل اوتوروب آتا
آیا بو سسده سسی چاپیب چاتا؟
الین قالخیزدی بیر اوسده
جینقیر چیخمیر بیر کسده
هاممی سوسوب ایکی قات اییلدی
منیم دیزیم اوز اوزونه اییلدی
گوردوم کرالیچا دیر گلیب بورا
منی چاغیریر گل ، تز گل بورا
دوردوم آیاقا بیری دممیش تز قاشدیم
بیوک داغدان گوز یوممامیش آشدیم
گوردوم اونون گول جمالین
چالیر کونلوم یین قابالین
ددی صاباح گلرسن سارایا
اوخویارسان بیزلره سورایا
دیل دینممیش کونول یول آزدی
هر نه یالوارسان اونا چوخ آزدی
کونلوم اوردا اوز قبرین درین قازدی
اوتو کورییه عشوه کیریشمه نازدی
کرالیچیا ددی کونول باش اوسده
اولوب دونموش بوز داش اوسده
حتما اورا من سیزه گورا گلرم
قیزیل اولماسادا سیزه گورا گلرم
منه ایفتیخاردی کیرالین سارایی
چاللام سیزه گورا آرایی
جیران هله لیک ددی گئتدی
آتی چاپدی ، سارایا گئتدی
منده اوز یریمده قالیب دونموشام
بایقوش تک خرابلوقا قونموشام
کونلومده اونون عکزین یونموشام
اورگدکی عشق اوتونا یانموشام
گئتدیم اوه هاممی ددی تانری یاردیم اولسون
بولبول اوخودی ددی تانری یاردیم اولسون
قاپینی باغلادیم اوه گئتدیم
سانکی کونلومونن باغا اوچدوم
تاری گوندوم الیمه کوهلدیم
گوزلریم سوینخاق آغلادیم
ددیم سن گئتمه سن یار آیاقینا
گلر بورا چکر سنی دار آیاقینا
دولانانین داش دییر آیاقینا
هاممی دونر یارین سایاقینا
دارا چکسده ایر سوگیلی جانان منی
قیناماز بیر چاغ جفایه کونلوم منی
آغلادیم بیر آز مشق ایلدیم
جیرانیما ایبرازی عشق ایلدیم
سالمیسان منی بو دار قفسه
قوی بودارلاسین بیر نفسه
اولموشام بنده کسه هوسه
قولاق ورمیشم کروانا جرسه
هاممی دانناییب منی دییللر دلییم
هن عشق اسیرییم کوپلوقدان دلییم
گورموشم بو گون یارین اوزونی
عکیزین الیمده یوخ یارین اوزونی
من دییرم هاممیه سوزون دوزونی
تا کی آییرسینلار شکردن دوزونی
ایندیه جک قومامیشام آنادان قوزونی
گیزلین اتمییب کونلوم عاقلیمدان سوزونی
سویرم من سوگیلیمی ، گوزونی
ایسدییرم من گوزلین اوزونی
چالدیم بیلمدیم هاچان واخت توکندی
بیردن بیره آرخام یاسدیقا سوکندی
گوردوم اوتورموشام من سارایدا
اولوب کونلوم حیران سارایدا
هاممی دوردو آیاقا البیر کس گلیر
های کوی دی اوردا البیر کس گلیر
سوگیلیم گلدی خورامان اوتوردو تاخدا
اللریم دونوبدو ، جاندا اوتوروب شاخدا
کیرال دا گلماخ همین اوتوردو اوردا
باخماخ همین تانیدی قویونو قوردا
ددی :بو آخماقی کیم یول وریب بورا؟
گلسین حوضوروما توکسون قورا
تا کی من اونو بلکه باغیشدیام!
داغلایام اونون جانین ناخیشلیام
هاممی سوسدی اوردا دینن یوخ
دستمال چکن اوردا بیین یوخ
سوگیلیم اوردا ددی دینلندی
منی چاغیران اورا بللندی
هاممی اونون ایشینه هللنیردی
کیرال اونون یانینا یوللانیردی
ددی یاواش :قیزیم سن چاغیرمیسان؟
بو آخماقی بورایا سن باغلامیسان؟
بو اوخوماق چالماقدا باشارمیر
بو ایش ساراییما ، سنه یاراشمیر
ددی آتا اوخوماقی اعلادیر
قاخماقی ،سولماقی ،چالماقی اعلادیر
کیرال ددی یانلیز سنن اوتور من
جزا ورمیرم اشیه اوتورمورم من
بو گون سنین آد گونون دیر گوزل
ائیلده بیر کره آد گونون دیر گوزل
ایزین وردی کیرال شنلیک باشلاسین
اوولده سوگیلیم اوزون یاشلاسین
اوننان سونرا چالقیچی چالسین
یمک گتیرسیننر هاممی بوردا قالسین
منده نجه اوردا تار چالیرام
آت تک صحراده چاپیرام
اوخودوم اوردا آیریلیق ماهنیسین
تا کی بیلسینلر اونلار آیریلیق ماهنیسین
هاممی اوردا آلدی دستمال اله
دستمال گزیردی تز تزال اله
توشموشدو اوردا بیر بیوک ولوله
گدیر اشیه سس های کوی هللله
تویو من یاس گونونه دوندردیم
اوزگونو کاس ،ترسینه دوندردیم
کیرال ددی منه :ای صنعت کار
کیم اولوب سنه بو اولکده جفا کار؟
دینه اونو بورا گتیر سینلار
تا کی اونو جزالاندیرسینلار
بو جفایه بو دونیادا بیر کس دوزممز
جانینی بو یولدا یالان یره اوزممز
عمرون چیراغی ،تانری دمسه سونمز
کیرال سوز ورسه ، سوزونن دونمز
من دیل آچدیم کرالا سویلدیم
ایلک باخیشدا اوزوم گویندیم
وورولموشام بیر جیران تک اووا
او منی تز تز گورنده کونلوندن قووا
سیزین اورگیز بو ایشی سووا؟
قوش گله جاندا یووا قویا!
بو حسرته بیر کس دوزممز
قاسیرقالی دنیزده اوزممز
تکی تنها یالقیز یولدا گزممز
هچ قاریشقانین دا باشین ازممز
کیرال ددی دینه قولاقیما آدین
تا گتیر سینلار بورایا اونو ،تز تاپین
گددیم یاخینا تاکی قولاقینا دییم
اونا اوز قیزینین آدین دییم
بیر فیکر یتیشدی بینیمه
ایشیق یولی گئچدی زهنیمه
ددیم کیرال منه ایزین ور
بیوگوموزسن منه ایزین ور
ایر من ددیم اونون آدین
ایلر سن اونو منه قادین؟
یوخ ایر ایلمسن اونو منه یار
کاش اوندا یاغا باشییما قار
یالان یره یولو گتماق نیه یارار؟
چمچینن دووه سووارماق نیه یارا؟
پیشیک ددسی خیرینه سیچان توتماز
نجکی شمع کپنکدن اوتور یانماز
شمع یانیر تا کی هاممی بیلسین
منیم اورگیم عاشیقدی ،ماننی بیلسین
سونرا من سوسدوم دوردوم
آتی اوجالیقا سوردوم دوردوم
کیرال درینن بیر فیکر ایلدی
اوز دوداقینی دیندیریب چیندی
بیر آزدان سونرا هاممییه سویلدی
اونون سوزلری بودور بویلدی
کیرال بویله امر ایلدی هاممییه
هشواخت قیلینجدان قان داممییه
یازسین یازان قازسین قازان
اوجالاندیرسینلار هر یرده اذان
من سوز وریرم ای یازان قازان
قانادین اوت اوسدونده قازان
هر کیم اولسا بو جاوانین سوگیلی
قالمییاجاق اونون اورگینده نیسگیلی
یددی گون یددی گئجه توی اولسون
هر نه آننیمیزدا یازیلیب قوی اولسون
زیرناچی بالابانچی سارایا دولسون
غمی کدری بوردان هولاسین قووسون
ددی کیرال سویله سن هاممیه
دینه اونون آدین سن هاممیه
تا کی اورگینده بیر شی قالمیه
بیر کس الیندن سوگیلیوی آلمیه
من اوردا آغیز آچدیم دانیشدیم
یانلیز اوندا اوز طالحیمینن باریشدیم
ددیم اونون آدی آی گوندی
آی چیخمامیش گونش ساچان گوندی
آی چیخار ایشیق سالیرگوسدریر
سونرا گون اوزون بزهلی گوسدریر
کیرال ددی گتیرین آیی دا گونیده
باتماسین(کسیلمسین) اونون ایشیقی گونوده
جارچیلاری کیرال هر یانا گوندردی
چوخلی آداملاری هر یره گوندردی
کی اوکیمدی بو ایگیتین سوگیلی
آچیلسین اورگیندکی نو گولی
آخداردیلار تاپمادیلار آی گونو
کیرال گدیب فیکره بو نچه گونو
کیرال ددی آی گونون هاردادی؟
اولمیه آیری یرده داردادی؟
یا کی آیری اولکده اولوب محبوس؟
بیز آلپیخ ایلیین آزاد ایر اولسا محبوس
ددی گئت اوزون اونو گتیر بورا
اون مین ایگیت گئتسین بوننان اورا
من ددیم: ای منیم بیوک کیرالیم
اولما ناراحات منیم بیوک کیرالیم
او آی گون سنین ساراییندادی
بو سسلر سنین هاراییندادی
ددی اونون ایزین گوسدر منه
تا کی اونو ورسیننر سنه
ددیم :اوقیزدی باشیندا تاج
رنگی دی البیر سوته باتیب آج
کیرال ددی توتون وورون آخماقی
اونون باشینا وورون توخماقی
وزیر چکدی کیرالی بیر گوشیه
تا کی دیه اونا سوز آچا بیر گوشیه
وزیر ددی ای اولکمیزین کیرالی
یوخدور سنه تای بو دونیانین کیرالی
سیز سوز ورمیسیز آننی یازان یازیب
سیز قولاق آسمیسیز قازان قازیب
کیرال ددی نینملییک بوردا بیز؟
تا کی اولماسین آشکار هاممیه ایز؟
دمسیننر کیرال عدالت سیزدی نیز
امما آری گویده ایلییردی ویز ویز
فیکیرلشیب اونلار شور اددیلر
جانیما بیر بیوک جور ایلدیلر
کیرال ددی قیزی سنه وررم آپاراسان
امما گرک کی بو ایشه بیر چاره تاپاسان
گئدرسن قونشو شاهین یانینا
دییرسن: گلمیشم آلام جانینا
تا کی باتیرام جیسمیوی قانینا
اوننان سونرا ییر تیجیلاری سالام جانینا
من بیر آز فیکر ائتدیم باخدیم
گوزلریمی یاواش یومدوم یاتدیم
ددیم ای کیرال اولکمیزین شاهی
یوخدور جلالی ساراییزین جاهی
ایر ورمیر سن گوزل قیزی منه ورمه
ایکی گوزوننده چوخ ایسدییرسن ورمه
هاردا گورموسن عاشیق اولان اولدوره
یانان شمعی بیر کره پوفلیه سوندوره
امما ایلییه بیر کونلومی یاندیرا
اوت ووراجانیما توسدوسی آندیرا
سانکی اوزون توپراقا ساتدیرا
بلکه عشقه توپراقدا چاتدیرا
ایر وورورسان بوینومی سن میخدارسان
چونکی ایکی یولون اورتاسیندا قالمیسان
بیری قیزی وررسن : منه گوتورم آپارام
بیری اولدور، بختیمی توپراقدا آخدارام تاپام
کیرال ددی:گوزلریمیکور اددیلر
قولاقیما قورقوشوم اریدیب توکدیلر
کونلومه آغیر آغیر یوکلر چاتدیلار
بیردن اوجا داغدان گدیهه آتدیلار
ایندی آغلاییر هر گون گوزلر
اشیدمیین قولاق اشیدیر سوزلر
اشیددوغون سوزلر حیات درسیدی
یازیلسین هر گون یاییلان درگیسیدی
دیین یایین دونیادا عالمه
تاکی اوخوسون بو سوزلر ماتمه
منده چورک آلمادیم اوه یوللاندیم
اورگیمین نیداسینا اویوب تولاندیم
گئتدیم تا کی آژ ریاضت چکم
قاراننیقا یومولام درینه چوکم
ددیم احد سنه تای قامماز دونیادا چوخدی
امما نسیمی تک صوفی دونیادا یوخدی
یازیلمیش:ایسفند آیینین، یددینجی گونونون، مین اوچ یوز سگسن آلتینین ائلی
24 Fev 2008
